Shkëmbim zjarresh mes Indisë dhe Pakistani, tre të vrarë

14:15 | 1 Qershor 2017
Arbresh.info

Tre persona janë vrarë në rajonin e kontestuar të Kashmirit, ku armiqtë India e Pakistani janë përfshirë në një shkëmbim zjarri, bëjnë të ditur zyrtarë nga të dyja anët e kufirit.

Ushtritë përballen përgjatë kufirit shumë të militarizuar dhe të diskutueshëm, të njohur si Linja e Kontrollit (KLI), që ndan rajonin Himalajan me shumicën e myslimanëve, transmeton portali arbresh.info.

Trupat indiane javën e kaluar thanë se sulmuan dhe dëmtuan postet e ushtrisë pakistaneze në Kashmir, ndërsa kërkonin të parandalonin militantët që po infiltonin nga pala pakistaneze, por Islamabad mohoi pretendimin.

Mohammad Usman, një zyrtar i policisë në rrethin jugor të Poonch të Kashmirit që kontrollohet nga Pakistani, tha se granatimet filluan në mëngjes. Dy civilë u vranë dhe gjashtë u plagosën.

Ushtria indiane tha se një person u vra dhe një tjetër u plagos në anën e tyre të Kashmirit, duke fajësuar Pakistanin për fillimin e shkëmbimit të zjarrit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm